UTARATIBU MPYA WA USHURU WA FORODHA KATIKA JUMUIYA YA ULAYA

JAMHURI YA MUUNGANO WA TANZANIA

WIZARA YA VIWANDA NA BIASHARA.

TAARIFA KWA UMMA

KUHUSU UTARATIBU MPYA WA USHURU WA FORODHA KATIKA JUMUIYA YA ULAYA IFIKAPO TAREHE 1 OKTOBA, 2014.

WIZARA YA VIWANDA NA BIASHARA  INAPENDA KUWATAARIFU WATANZANIA NA WAUZAJI BIDHAA KATIKA SOKO LA NCHI ZA JUMUIYA YA ULAYA KUWA IFIKAPO TAREHE 1 OKTOBA, 2014 BIDHAA ZOTE KUTOKA TANZANIA ZITAKUWA ZINATUMIA UTARATIBU WA “UZA KILA KITU ISIPOKUWA SILAHA” (EVERYTHING BUT ARMS-EBA). UTARATIBU HUU MPYA UTATUMIKA BADALA YA UTARATIBU WA “KANUNI 1528 YA JUMUIYA YA ULAYA YA FURSA ZA MASOKO” (EU MARKET ACCESS REGULATION 1528).

UTARATIBU WA AWALI ULIOKUWA UNAWATAKA WAUZAJI BIDHAA KATIKA SOKO HILO KUJAZA FOMU IJULIKANAYO KAMA “EUR1” UTAFIKIA UKOMO IFIKAPO TAREHE 30 SEPTEMBA, 2014. KATIKA UTARATIBU UTAKAOANZA KUTUMIKA KUANZIA TAREHE 1 OKTOBA, 2014 WAUZAJI WATATAKIWA KUJAZA FOMU MPYA ZINAZOITWA “GSP FORM A” ILI KUWEZESHA BIDHAA ZAKO KUINGIA KATIKA SOKO LA ULAYA BILA YA KUTOZWA KODI WALA KUWEKEWA UKOMO WA IDADI ISIPOKUWA SILAHA. 

AIDHA, KATIKA UTARATIBU HUU MPYA WA EBA, VIGEZO VYA UASILI WA BIDHAA (RULES OF ORIGIN) VITABADILIKA. MAELEZO YA ZIADA KUHUSU MABADILIKO HAYO YANAPATIKANA KUPITIA anuani http://ec.europa.eu/taxation customs/customs duties/rules origin/preferential/article 839 en.htm na http://exporthelp.europa.eu/thdapp/index.htm

TANGAZO HILI LIMETOLEWA NA

 BW. ULEDI A. MUSSA

KATIBU MKUU WIZARA YA VIWANDA NA BIASHARA