TANGAZO LA KUITWA KWENYE USAILI KWA TAASISI MBALIMBALI

Waombaji wa fursa za ajira Serikalini waliokuwa wametuma maombi ya kazi katika Taasisi mbalimbali za Umma nchini kupitia Sekretarieti ya Ajira  wametakiwa kuangalia majina yao katika Tovuti ya Sekretarieti ya Ajira  ili kujua endapo wamechaguliwa na kujiandaa kwa ajili ya usaili unaotarajiwa kuanza tarehe 30 Aprili, 2014 hadi Mei 9  mwaka huu.  Katibu  wa  Sekretarieti  ya  Ajira  katika  Utumishi  wa  Umma Bw. Xavier Daudi amesema hayo wakati akiongea na baadhi ya waajiri waliomtembelea ofisi kwake kwa  ajili ya kuzungumza masuala mbalimbali ya Ajira katika Utumishi wa Umma. Daudi  alibainisha kuwa ofisi yake inatarajia kuendesha usaili wa taasisi zipatazo 34 kwa niaba ya waajiri wa taasisi hizo kwa mujibu wa sheria, ambapo alizitaja taasisi hizo kuwa ni Tanzania  Library  Services  Board  (TLSB),  Ardhi  Institute  Morogoro, Tanzania  Education  Authority  (TEA),  Water  Development  Management Institute  (WDMI),  Agency  for  Development  Education  Management (ADEM),  Tanzania  Industrial  Research  and  Development  Organization (TIRDO),  Ardhi  Institute  –  TABORA,  Tanzania  Small  Holders  Tea Development Agency (TSHTDA), Tanzania Institute of Accountancy (TIA), Eastern Africa Statistical Training Centre (EASTC). Dar  Es  Salaam  Maritime  Institute  (DMI), Institute  of  Accountancy  Arusha (IAA),  Tanzania  Meat  Board  (TMB),  Tanzania  Public  Service  College (TPSC),  The  Mwalimu  Nyerere  Memorial  Academy  (MNMA),   Taasisi nyingine ni Public Procurement  Regulatory  Authority  (PPRA),    Tanzania  Automotive Technology  Centre  (NYUMBU),  College  of  Business  Education  (CBE), National  College  of  Tourism  Agency  (NCT),  Dar  es  salaam  Institute  of Technology (DIT), Community Development Training Institute (TENGERU), Institute of Finance Management (IFM).  Tanzania  Electrical  Mechanical  and  Electronics  Services  Agency (TEMESA),  Institute of Adult Education (IAE), Tanzania Investment Centre (TIC), Cashew nut Board of Tanzania (CBT), Tanzania Fisheries Research Institute  (TAFIRI),  College  of  African  Wildlife  Management  (MWEKA), Tanzania Tourist Board (TTB), Tanzania Airports Authority (TAA), National Institute  of  Transport  (NIT),  Local  Government  Training  Institute  (LGTI), Institute  of  Social  Work  (ISW),  Tanzania  Tree  Seed  Agency  (TTSA) pamoja na Institute  of  Rural  Development  Planning  Dodoma  (IRDP). Katibu wa Sekretarieti ya Ajira amewataka waombaji wote waliochaguliwa kufanya usaili kuzingatia masharti ya jumla yaliyotolewa hususani suala la vyeti, tarehe ya usaili, mahali pa kufanyia usaili na muda wa kufanya usaili. Alisisitiza kuwa mtu akikosea na kwenda sehemu nyingine ama kuchelewa muda ajue amejiondoa mwenyewe katika mchakato kutokana na kutokuzingatia maelekezo ya msingi. Alifafanua kuwa wasailiwa ambao kada zao zimeainishwa kuanza na mtihani wa mchujo (written interview) wasisahau kuangalia tarehe ya usaili wa mahojiano na sehemu usaili utakapofanyikia kama ilivyooneshwa katika tangazo husika la kuwaita katika usaili. Aidha,  amewataka wale waombaji ambao majina yao hayakuonekana katika tangazo husika la kuitwa kwenye usaili watambue kuwa maombi yao hayakufanikiwa na hivyo wasisite kuomba tena kwa mara nyingine pindi nafasi za kazi zitakapotangazwa.  Alimaliza kwa kusema kuwa taasisi yake itaendesha usaili kwa kushirikiana na wadau mbalimbali na  hatimaye  kuwapangia  vituo  vya  kazi waombaji  kazi watakaofaulu usaili husika kulingana na mahitaji ya waajiri kama walivyoainisha katika vibali walivyowasilisha Sekretarieti ya Ajira.    Imetolewa na Kitengo cha Mawasiliano Serikalini. Ofisi ya Rais-Sekretarieti ya Ajira katika Utumishi wa Umma Kwa maelezo zaidi; wasiliana na Kitengo cha Mawasiliano Serikalini Kwa barua pepe; gcu@ajira.go.tz This e-mail address is being protected from spambots, you need JavaScript enabled to view it   na Facebook-page ya “Sekretarieti Ajira” au  Tovuti: www.ajira.go.tz  na simu 255-687624975  24 Aprili, 2014.